Moжеби нема да успееш сите да ги разликуваш за време на првото одење во теретана, но со текот на времето ќе сфатиш од кога (не)треба да стоиш настрана...

Трач екипа
Ова група најчесто се состои од жени, но постои можност да во неа да има и по некое машко. На теретаната гледаат како на кафич па затоа можеш да ги видиш како стојат или седат и зборуваат за одредени теми. Тренерот посојано ги опоменува па така настанува мир, но за кратко време пак се формираат во група и продожуваат да мрморат. Единственото нешто што тие таму го тренираат е јазикот.

Модни гуруа
Ова екипа обично се состои од згодни, фит жени кои во теретана доаѓаат само за да ја одржат постојаната кондиција. Тие таму доаѓаат само за да им набијат комплекс на другите жени и да им покажат што има ново во најновите колекции на спортска облека. Носат облека поради која мажите одат со рацете пред своите гениталии. Посебно се истакнуваат по испрекинатото и гласно смеење кога има група на згодни мажи во близина, а ќе ги забележите во кругот на машка публика која се собрала околу нив.

Оние кои чудно се огласуваат
"Обична" група која зборува нормално, го слушаат тренерот и прават се како што треба. Кога ќе започнат со дигањето на тегови, ќе сфатиш за каква група станува збор. Ќе ги слушнеш дури и ако си надвор од дворот. Сериозните дигачи на тегови кои постојано испуштаат неконтролирани звукови се главна причина за заминување на луѓето од теретана. Вежбањето покрај овие луѓе е прегласно и застрашувачки. Кај нив постојано има помала група која чудно ги гледа.