7-годишната Шарлот Неве минатата година паднала во кома поради згрутчување во мозокот, а докторите покажувале многу малку надеж за нејзино опоравување...

Покрај лошите медицински прогнози, девојчето покажало дека чуда сеуште се случуваат. Откако нејзината мајка и ја запеала песната која засвирала на радио девојчето се насмевнало. Песната која ја пеела била воедно и омилената песна на Шарлот "Rolling in the deep" од Адел. "Не можев да верувам. Тоа беше прв пат да реагира на нешто од кога падна во кома. Медицинските сестри ми кажаа да продолжам да пеам, а таа само се смееше", изјавила нејзината мајка.

Само неколку дена потоа Шарлот станала од кревет и почнала со интензивна терапија за што побрзо да се опорави. "Таа е храбра и одлучна, докторите престанаа да даваат било какви прогнози за нејзниот напредок затоа што таа веќе ги воодушеви".

Иако бројните фанови на Адел веќе ја коментираа среќната вест, младата пејачка сеуште не се огласила.