Дали ова е најсреќниот бездомник?

Бездомникот Тимоти Јост од местото Бастроп во Тексас отишол да си ги измие валканите нозе во реката Колорадо и во водата згазнал мокра вреќа.

Кога ја отворил, не можел да им поверува на своите очи: во вреќата имало 77.000 долари (или 60.000 евра) во банкноти од по 100 долари и златници.

Најдобро во целата приказна е што 46-годишниот бездомник може да ги задржи овие пари.

Настанот се случил во јануари, по среќното откритие, бездомникот отишол во банката "First National Bank", за да ги замени мокрите банкноти со суви.

Службеникот од банката повикал полиција, за случајот бил направен записник, парите биле оставени во банката, а Јост добил благодарница.

Бидејќи во меѓувреме никој не ги барал, парите по истекот на законски предвидениот рок му припаднале на оној кој ги пронашол, поточно на бездомникот.

За жал, Јост не може веднаш да ужива во богатството, тој моментално се наоѓа во затвор поради пијанства и неовластен упад на туѓ имот.