Токио си ја врати титулата за најскапиот град за странците, пред градот Луанда...

Повеќето од европските градови отстапуваат од листата поради кризата и вредноста на еврото, покажа истражувањето на британскиот институт "Mercer".

Како и претходната година Карачи во Пакистан останува најевтиниот град од вкупно испитаните 214. Таму цената на животот е три пати пониска отколку во Токио.

Главниот град на Ангола, Луанда, го изгуби првото место и остана на второ, следена од Осака, кој влегува во топ 5. Москва е на четврто место, а Женева на петтото.

Лаунда

Осака

Москва

Женева

Студијата го зема за референтен град Њујорк а се однесува на цената на превозот, храната, облеката, забавата, опремата за домаќинство и цената на изнајмување, која често е најголем трошок за странците, се прецизира во текстот. Во предвид се земаат промените во девизниот курс врз основа на американскиот долар.

Целта на оваа листа е да им се помогне на владите и меѓународните компании да ги пресметат платите на своите вработени кои работат надвор од својата земја.