Неодамна во Велика Британија било спроведено истражување за тоа колку младите во оваа земја знаат за потеклото на производите кои ги јадат секојдневно... 

Резултатите од истражувањето биле алармантни, младите покажале неверојатен недостаток на знаење за потеклото на најосновните продукти.

Педесет и девет проценти од испитаниците, на возраст меѓу 16 и 23 години, не знаеле од што се прави путерот, еден од петмина верува дека џемот и мармаладот се прават од житарици, додека осум проценти биле убедени дека сланината се произведува со преработка на пченица.

Дури и потеклото на млекото и јајцата за голем број млади Британци е целосна мистерија, бидејќи 15% од нив одговориле дека овие производи „веројатно се одгледуваат“.

Од младите испитаници се барало да поврзат фотографија од одреден продукт со фотографијата на која е покажано нејзиното потекло. Четири од десет млади луѓе не знаеле да го поврзат млекото со крава, ниту пак јајцата со кокошка, 7% ги поврзале со пченица.