Најновото истражување, кое ќе ги израдува сите мрзеливи мажи во светот, тврди дека сите оние жени кои велат дека не сакаат домаќински работи - лажат...

Многу жени домаќинската работа ја сметаа за опуштено, задоволувачко па дури и тереапевтско искуство, додека други тврдат дека чувствуваат уживање, најмногу поради тоа што ненајавените гости нема да ги дочека неред. Но работата е во тоа што речиси половина од жените на своите партнери нема да им признаат дека сакаат да чистат.

"Да, тоа е голема тајна што жените ја чуваат. Се работи за терапевтско чувство или чувството на контрола кое се добива после чистењето. Исто така, овде е важно и чувството на постигнување кое е битно за секое човечко суштество", изјавила водичот на истражувањето, психологот Џејн Мек Картни.

Чистење со правосмукалка, расчистување и бришење прашина се трите омилени активности кои жените сакаат да ги извршуваат по дома, а додека најнесакани се чистење на шпорет, купатило и пеглање.

Истражувањето исто така покажало дека на чистење се трошат повеќе од 4 часа неделно, и дека дури 40% од жените домаќинските работи ги извршуваат сами, без помош од семејството.