Една матурантка од Канада привлекла огромно внимание на својата матурска вечер, иако не носела скап дизајнерски фустан, туку фустан направен од стари задачи по математика...

17-годишната Кара ги искористила листовите на кои вежбала задачи по математика на креативен начин. Таа не сакала да изгледа како секоја друга девојка на матурската вечер, па си направила фустан од 75 страници со задачи, а како ремен и послужиле шарени потсетници.

Потрошила неколку денови за да ги исече, залепи и состави листовите, но трудот и се исплатил бидејќи нејзиниот фустан бил уникатен. Секако, ниту една девојка не носела ист таков.

“Беше смешно што сите се појавија во прекрасни скапи фустани, а јас отидов во ова и бев најпопуларна”, рекла Кара.