Добро е познато дека боите имаат сериозно влијание на нашето психо-физичко здравје. Затоа, пред да се впуштите во боење на ѕидовите, проверете што значат боите и каде е најдобро да ги употребите...

Црвена
Црвената е активна и стимулативна боја која означува страст, возбуда и моќ. Исто така, се работи за боја на љубовта која е одлична за спална соба.

Портокалова
Портокаловата е исто така стимулативна, но не во толкава мера како црвената. Освен тоа, бидејќи е помалку агресивна, соодветна е за кујна, трепезарија или дневна соба.

Жолта
Жолтата значи среќа, топлина а исто како и претходните две бои претставува елемент на оган. Во случај спалната соба да сакаш да ја обоиш во жолто, внимавај да не се работи за светла нијанса.

Зелена
Зелената е многу мирна, урамнотежена и релаксирачка боја која претставува раст, виталност и природа. Вакавата боја се препорачува за во купатило токму поради тоа што претставува мир, чистота и свежина.

Сина
Сината исто така е релаксирачка боја која значи сигурност и доверба. Како што е случајот со зелената, и плавата е најдобро да се искористи за купатило.

Виолетова
Виолетовата означува благородништво и достоинство, има смирувачки ефект, а често пати се поврзува и со духовност. Одлично решение е за спална соба во случај да сакаш да создадеш романтична атмосфера, но внимавај да биде во нијанса на лаванда или љубичица.

Црна
Црната е боја на моќ, елеганција и софистицираност. Поради својата сила, таквата боја се препорачува да се користи само во елементи а никако на цели ѕидови.

Бела
Белата претставува чистота, невиност, надеж и духовност. Може да се користи во апсолутно сите простории, но, судејќи според стручњаците, бела боја најмногу се вклопува во купатилото.

Кафеава
Кафеавата е стабилна, земјена и природна боја. Најубаво е да се види во дневна или спална соба, а нема да згрешите да се одлучите за било која нијанса.

Розова
Ова боја симболизира љубов и романтика, а врз нас има смирувачки ефект. Се препорачува за спална соба.