Американка лажно дојавила дека во зградата каде што работи има бомба, само за да се извлече од работа...

Полицијата во Холи Хил на Флорида примила повик од женска личност која не сакала да се претстави, а пријавила дека во зградата на “Метра електроникс” е поставена експлозивна направа.

Сите од зградата биле експресно евакуирани, а полицијата го пребарала секој сантиметар пред да утврди дека нема бомба.

Во меѓувреме била направена претрага на телефонските повици и било утврдено дека во полиција се јавила Летиша Вестер, 33-годишна жена која работи во зградата.

Таа признала дека пријавила бомба затоа што тој ден "баш и не и се работело". Летиша била уапсена и задржана во притвор.