Првиот и единствен чекор при ловењето на дух е да ставите свеќа и парче чоколадо во стаклен сад кој треба на полноќ да го ставите на местото каде што мислите дека има дух. „Не сум сигурен зошто, но духовите едноставно не можат да одолеат на чоколадото и ќе влезат во стаклениот сад. Кога ќе влезе внатре, енергијата на свеќата ќе го зароби и  во тој момент треба само да го затворите стаклениот сад и духот нема да може да побегне. Знам дека звучи чудно, но ловењето духови е навистина толку едноставно. Само мора да внимавате, чоколадото да биде подотворено затоа што духот нема ни да се приближи“ - тврдел Jozef Kaposi, унгарски истерувач на духови.



Др. Kaposi оваа метода ја открил сосема случајно, додека се обидувал да улови дух кој опседнал цела продавница, а духот често одел во делот каде се наоѓале чоколадите и колачите. Истражувачите на паранормалните појави ја прифатиле оваа метода на др. Kaposi, нарекувајќи ја брилијантна поради својата едноставност. „Не сакам да ги охрабрувам луѓето да шетаат наоколу и бараат духови за да ги уловат. Оваа техника треба да се употребува само за да се спречи зачестеното појавување и опседнување таму каде што духовите веќе постојат“ - изјавил др. Kaposi.