Eфикасната комуникација не се состои само од едноставно кажани зборови затоа што зад нив мора да постои цел за праќање на пораката до нејзиниот примател. Пред да ја пратиме пораката, мора да размислиме на тоа што всушност сакаме да постигнеме на крајот со комуникацијата. Еднаш кога ќе сватиме која е целта на нашата комуникација, повеќе од половина работа е завршена. Другата половина се состои од намерите...

Намери
Во комуникацијата најчесто се концентрираме на зборовите и содржината кои ги упатуваме на примателот. Но често забораваме да си поставиме прашање на самите себе од типот: "Зошто мислим дека нашата порака е важна за примателот? Зошто тоа треба да ги интересира?", што е фатална грешка за ефикасна комуникација. Пред да ја пратиме пораката треба добро да размислиме за начинот на кој сакаме слушателот да го свати она што го зборуваме. Разбирањето на важноста на намерата е камен темелник на секоја брилијантна и незаборавна глума.

Вокална и физичка манифестација
Се што правиме со својот глас и тело мора да ја подржува првичната намера која ја објаснивме погоре. Кога вокалните и физичките механизми се складни со одбраната намера, тоа го нарекуваме "сличност". Во случај да праќаме мешани сигнали или правиме разлика меѓу она што го кажуваме и како го кажуваме, го збунуваме примателот на пораката и му оневозможуваме правилно да ја разбере поентата. На пример, ако докторот го убедува пациентот дека мора здраво да се храни, неговиот израз на лицето би требало да биде сериозен како и тонот на гласот, а погледето насочен право во очи.