На многу љубители на животни смртта на нивното милениче им паѓа многу тешко. Некои поради тоа одлучуваат да ги препарираат своите најдраги животински пријатели со што споменот за нив би траел подолго. Но, кога мачката Орвилеа ја прегазил автомобил, нејзиниот сопственик, инаку познат уметник, одлучил да отиде чекор напред. Својата мачка ја претворил во доста морбидно уметничко дело - летечки хеликоптер на далински управувач...

Како што пренесуваат од Daily Mail, германскиот уметни Барт Јенсен, својата мачка после нејзината смрт ја препарирал, а со помош на Арјен Белтман кој се занимава со управување на хеликоперти со далински управувач, во Орвилеа вградил механизам со помош на кој ќе може да лета. Конечниот резултат од тоа, наречен "Орвилекоптер", сега за сега е дел од изложбата на фестивалот за уметност во Амстердам, а посетителите можат сами да пробат да управуваат со ова необично летало.

На мачката која е именувана по познатиот авијатичар Оrvilleo Wright, Јенсен за роденден ќе и набави уште посилен мотор со кој ќе и овозможи да лета со птиците кои, како што вели Јенсен, Орвилеа одсекогаш ги сакала.