Не се сите баби исти, има и такви кои барем два пати неделно сакаат да се опуштат, да ја грабнат електричната гитара и да засвират во некој рок клуб...

Беси Лоренс (70) од гратчето Гримзби во Велика Британија станала хит на Островот откако една телевизија направила репортажа за “бабата која сака да свири на електрична гитара и да ја тресе главата на добра рок музика”.

Како и секоја домаќинка, и Беси готви, чисти, пере, но таа има и хоби. Не станува збор за плетење или играње игри на среќа – таа сака рок музика!

Беси е чест посетител на рок свирките во своето гратче, а во клубовите го заработила прекарот “Крвава Нора”. Често е жестока додека е во публиката, па членовите на рок бендовите кои настапуваат ја повикуваат да се качи на бината и со нив да отсвири некоја песна.