Виена, иако спаѓа меѓу првите градови во светот по квалитет на живот, настојува да го подобри однесувањето на велосипедистите, пешаците и останатите учесници во сообраќајот...

Во кампањата која е покренета денес, под називот "Извинете, не може да се помине!" управата на главниот град на Австрија ги повикува граѓаните да бидат смирени и да избегнуваат караници на улиците.

Во склоп на кампањата се и советите: "Насмевка - како за Божиќ", "Мавнете рака" и "Кажете: 'Извини!' дури и ако не можат да ве слушнат". Плакатите им покажуваат на пешаците, возачите и велосипедистите како во одредени ситуации да кажат "Извинете" и "Нема проблем!".

Виена нема тешкотии во сообраќајот, а јавниот превоз е добар и достапен - за разлика од повеќето големи европски градови. Сепак, управата на градот оваа година ја намали цената на годишните карти за јавен превоз од 449 на 365 евра.