Холандска фирма отвори синџир хотели за брзи разводи во која паровите доаѓаат во брак и по два дена си заминуваат разведени...

Идејата за создавање на бракоразводните установи со пет ѕвезди му падна на ум на холандскиот бизнисмен Џим Халфенс, кој утврдил дека таа пазарна нишка е празна.

"Хотелот за разводи" им нуди на клиентите посредници и адвокати, кои брзо и квалитетно ќе ги решат сите проблеми во врска со разделбата - од поделба на имотот до старателство над децата.

"Кога паровите го напуштат хотелот, целата работа е веќе завршена", коментира Халфенс. "Единственото нешто што се бара од нив, според холандскиот закон, е да го покажат договорот на судијата што се официјализира по две недели".

Џим Халфенс за бракоразводните цели направил синџир од бутици и хотели, расфрлани низ земјата, вклучувајќи го и престижниот "Карлтон-Амбасадор" во Хаг. Луѓето кои сакаат да се разведат обично пристигнуваат заедно на рецепција, но им се даваат различни соби. Потоа паѓаат под заштита на бракоразводниот тим. Паровите не треба да се расправаат, за да може што побрзо да се решат формалностите.

Хотелската управа гарантира и за безбедноста на разведените, која ги штити од физичка расправа. Г-дин Халфенс планира да го прошири синџирот од бракоразводни хотели и во други земји, за почеток во САД и во Германија.