Јапонската полиција уапси еден 80-годишен човек поради сомневање дека ја задавил сопругата и нејзиното тело околу десет години го држел во замрзнувач...

Масаичи Јамада, директор на фабрика за преработка на риба, бил уапсен во вторникот откако полицијата го пронашла телото на жената.

Портпаролот на локалната полиција изјавил дека се верува оти осомничениот ја задавил сопругата во својот дом, а нејзиното тело потоа го однел на работното место и го ставил во еден од замрзнувачите.

Не е утврдено кога точно жената била убиена, но се проценува дека денес таа би имала 71 година.

Јамада наводно признал дека за време на една караница, „некаде меѓу 2002 и 2006 година“, ја задавил својата сопруга.