Ново британско истражување покажа дека жените се два пати повеќе зависни од социјалните мрежи во однос на мажите...

Над 2000 Британци биле анкетирани во рамките на истражувањето, што ги проучувало навиките на корисниците на интернет и разликите меѓу мажите и жените во користењето на глобалната мрежа.

Истражувањето покажало дека повеќе од половина од жените ги користеле социјалните мрежи како Твитер и Фејсбук, додека само 34% од мажите признале дека прибегнуваат кон нив.

Освен тоа, 18% од жените сметаат дека ако интернет престане да постои, најмногу ќе им недостигаат социјалните мрежи. Само 7% од претставниците на посилниот пол го делат ова мислење, при што повеќето од нив изјавиле дека најмногу ќе им недостасуваат административните олеснувања како што е интернет банкарството.

Анкетата открива спротивности на некои популарни стереотипи поврзани со начинот на кој двата пола го користат интернетот. На пример, тоа покажува дека 9% од жените играат онлајн игри во однос на само 8% од мажите, а 13 проценти од мажите го користат веб-сајтовите за споделување на содржина како Flickr, YouTube и Vimeo во однос на само 6% од жените.

Статистиката покажува дека повеќето жени го користат интернетот за истражувања, на пример пребарување на поволни набавки,  a мажите пак прибегнуваат кон глобалните мрежи, за да ги дополнат или прошират своите знаења за различни теми.