Откако Исак Ламб го постави прашањето: “Ќе се омажиш ли за мене?”, романтичните предлози за брак веќе нема да бидат исти.

Исак е актер од Портланд, тој ја повикал својата девојка Ејми да отиде во домот на неговите родители.

Таму ја дочекал брат му кој ја однел во автомобилот, ја седнал во багажникот и и ставил слушалки на ушите. Во позадина свирела “нејзината песна” - “Мarry You” од Бруно Марс.

Додека автомобилот се движел по улицата, зад него, во ритамот на музиката продефилирале сите пријатели и роднини на Исак. Тие на Ејми и приредиле таква претстава на која ќе се сеќава целиот свој живот. За овој чин Исак собрал дури 60 луѓе.

После ваквата оригиналност, не е ни чудо што Ејми рекла ДА.