Oстровите со прекрасни пејзажи, опкружени со тиркизна лагуна, ќе ви овозможат незаборавни денови затоа што се како создадени за првото брачно патување...

Петнаесетте острови од вулканско потекло и корали се наоѓаат во Полинезија на Тихиот Океан, во близина на Нов Зеланд со кој се во слободна асоцијација.

Островите се поделени на две групи: северни и јужни, а нивната вкупна површина е 240 метри квадратни. Со оглед на тоа што во текот на годината ги посетуваат околу 100 000 посетители, туризмот е главна гранка на овие прекрасни острови.

Куковите острови се сметаат за вистински рај на земјата. Ги одликува пријатната клима, пријатените пејзажи, љубезниот и срдечен народ, посакуваниот начин на живот "каде никаде не се брза".

Во околината доминираат вулкански врвови, бел песок на плажите и лагуни опкужени со палми.

Куковите острови уште во шестиот век биле населени од Маорите, полинезијско доморотско население, во 1888 година станаа британски протекторат а во 1901 Нов Зеланд изврши анексија на овие острови со што останаа под протекторат до 1965 година.

Куковите острови сега припаѓаат на Полинезија, и во нејзиното говорно подрачје, а поголемито дел од населениот го сочинуваат Маорите.

Главен и најголем остров од оваа група е островот Раротонга. Тој е од вулканско потекло и се простира на површина од 67 километри квадратни. Тој е најмлад остров во групата. Други позначајни острви во оваа група се Аитутаки, Атиу, Мангаиа, Пенрин, Митиаро.

Од многубројните активности кои ќе ве опуштат ви го издвојуваме нуркањето во длабочините на океанот, каде ќе пливате со видови на риби какви што досега немате видено.