Едно истражување покажа дека мажите полесно ги засмејуваат и забавуваат колегитe на работното место, отколку жените...

Поточно, 80 проценти од шегите кои ги кажуваат жените наидуваат на целосен молк, додека 90 проценти од вицовите на мажите се пропратени со смеење или барем одобрување, се наведува во истражувањето.

Машкиот хумор се состои од досетки, додека жените повеќе користат самоисмевање и тоа во 70 проценти од случаите крајно безуспешно, објаснува водачот на истражувањето, Џудит Бакстер.

Мажите раководители посегнуваат по хуморот за да се докажат и да го афирмираат својот авторитет. Нивните подредени од машки пол, го користат хуморот за да ги импресионираат своите машки шефови и да им покажат дека се на иста бранова должина, вели Бакстер.

Таа и нејзиниот тим за потребите на истражувањето, ги следеле состаноците на вработените во седум големи компании од кои некои имале мажи, а други жени за раководители.

Но сепак, жените не се помалку смешни од мажите, туку едноставно го користат хуморот на поинаков начин.

Шегите и досетките на жените се поприфатени во друштво на пријателите, пред колегите тие се чувствуваат непријатно, па нивниот хумор тогаш делува вештачки.