Најголемиот базен во светот се наоѓа во одморалиштето Сан Алфонсо дел Мар во Чиле. Тој се наоѓа на брегот на Тихиот океан, на 100 километри западно од градот Сантијаго. Должината му е над еден километар и зафаќа површина од 8 хектари a може да собере 250 илјади кубни метри вода, кои се обезбедени од океанот...

Температурата на водата во базенот е 26 степени, што е за 9 степени повисока од температурата на океанот. Гигантскиот објект веќе е запишан во Книгата на рекорди. Одлуката за неговата изградба е донесена поради загадувањето на океанот и големиот број на ајкули во близина на брегот.

Идејата за создавање на овој објект се родила во 1997 година, кога архитектот и дизајнер Фернандо Фишман од Чиле ја превзема изградбата на овој револуционерен комплекс.

Реализацијата на сонот на Фишман, сепак, трае со години. Дури во 2006 година тој се здоби со технологија, со чија помош ја филтрира и прочистува водата за многу пониска цена. Новиот метод користи една стотинки од хемикалиите потребни за прочистување на водата во однос на традиционалните методи. Изградбата на овој уникатен објект е завршена во декември 2006 година. Неговата вредност е 1 милијарда долари.