20 - годишниот фармер Wu Zhongyuan од Luoyanga, Кина, направил хеликоптер од дрво кој може да лета на висина од 800 метри.



Wu има завршено само основно училиште, а необичното летало го направил по сеќавање на часовите по физика, а малку помош побарал и од интернет. „Немам никаков дизајн. Уште од детството сонував дека не морам да се искачувам по планините. Сакав да одам на училиште со сопствено летало“ - изјавил Wu.



На леталото направено од дрво, Wu работел 3 месеци, а моторот го зел од стариот мотоцикл. Се на се потрошил околу 1.600 долари, а неговиот татко, Wu Xizhao е многу горд на својот син.



„Тој ги обожава машините. Целиот живот се нешто расклопува и составува. Мислам дека нема апарат во куќата кој не го расклопил“ - изјавил таткото на Wu.