На 18 мај акциите на најголемата во светот социјална мрежа, Фејсбук почнаа да се тргуваат на американската берза NASDAQ. Еве 10 интересни факти, кои овозможуваат да се процени тежината на Фејсбук во светот...
Фејсбук е најголемата социјална мрежа практично во сите земји во светот со исклучок на Русија каде што се користат домашни социални мрежи и Кина каде Фејсбук е забранет.
Тројца од четворицата основачи на Фејсбук се милијардери: Марк Цукерберг поседува 17,5 милијарди долари по проценка на списанието "Форбс", Дастин Московиц - 3,5 милијарди долари, Едуардо Северин - 2 милијарди долари. Основачот на сервисот Napster и еден од првите учители на Марк Цукерберг - Шон Паркер, исто така може да се пофали со богатство од 2,1 милијарди долари благодарение на својот удел во Фејсбук.
66 - така се нарекува кинескиот ресторан во Њујорк, каде што Цукерберг за прв пат се среќава со Шон Паркер.
130 - секој од корисниците на Фејсбук во просек има 130 пријатели.
Во Фејсбук работат 3.000 лица. Оваа година компанијата планира да ангажира илјади нови соработници.
60,2 милиони фанатици ја следат страницата на Фејсбук во која компанијата ги објави своите вести. Всушност таа е и најпопуларната страница во фејсбук, што ги надминува страниците на играта Покер - 56,6 милиони, на раперот Еминем - 52 милиони, YouTube - 51,3 милиони и пејачката Ријана - 50,3 милиони.
152,5 милиони корисници на Фејсбук се наоѓаат во САД, што покажува дека се пред Индија - 43,5 милиони, Индонезија - 43,06 милиони, Бразил - 37,9 милиони и Мексико - 35 милиони.
Секојдневно на Facebook се качуваат 250 милиони фотографии.
350 милиони корисници влегуваат на Фејсбук од мобилни уреди.
900 милиони луѓе го користат Фејсбук, како половина од нив, го посетуваат барем еднаш дневно. Ако Фејсбук беше држава таа би била трета во светот по САД и Индија. Во социјалната мрежа се регистрирани над половина - 55% од сите корисници на Интернет во светот. Секоја седма минута престој на Интернет е посветена на Фејсбук, покажуваат податоците на ComScore до месец октомври минатата година.
