Необичен инцидент се случил овие денови во еден ресторан во Винсконсин. Наводно, како што пренесува Gawker, еден човек го обвинил локалниот ресторан за лажно огласување, откако вработен му наредил да престане да јаде...

Тоа не би било толку чудно да не станува збор за еден од оние ресторани во кои јадете колку што можете и сакате (All-you-can-eat), кој е прилично популарен во Америка. Гладниот човек Бил Вист се спремал да ја изеде својата тринаесетта порација пржени риби, кога дошла личност која го предупредила дека нема да му ја послужи следната порција.

Бил толку се налутил што одбил да ја плати сметката се додека не биде сит. Тоа не било прв пат апетитот на Бил да предизивка проблеми во овој ресторан, па така му понудиле уште додатни осум порции ако ги плати тие што досега ги изел. Бил протестирал и направил сцена, разочаран што ресторанот не се водел од политиката "клиентот е секогаш во право". Но, вработениот повикал полиција која го казнила Бил поради несоодветното однесување во јавност.

Сепак, човекот кој тежи околу 160 кг, тоа не успеало да го предомисли. Ветил дека секоја сабота ќе доаѓа да "стражари" пред ресторанот, се додека вработениот не му се извини за своето однесување.