Според новите истражувања на лекарите, носењето на емо фризури кај малдите луѓе може да предизивика амблиопија, попозната како "синдром на мрзеливо око"...

Иако ова пореметување обично се јавува уште во раното детство проследено со страбизам или некоја друга очна аномалија, новите истражувања покажале дека слабовидоста на едното око кај тинејџерите може да се појави и тоа поради фризурата!

Таквото тврдење го изнел лекарот Андру Хоган во австралиското списание The Mercury, кој воедно е и член на тамошното Здружение на оптометристи.

"Ако млад припадник на емо субкултурата има шишки кои цело време му го прикриваат едното око, тоа око нема да види многу детали. А доколку тоа се случува во раниот период, може да стане 'мрзеливо'", објаснил лекарот. Воедно, иако се мисли дека видот се развива од првата до седмата година, новите истражувања покажаа дека на видот може да се влијае и во подоцнежниот период.