Едно истражување покажа дека жените навистина имаат „гејдар“, односно лесно ги препознаваат хомосексуалците...

Во текот на истражувањето студентите погодувале кој е хомосексуалец, а кој со друга сексуална припадност, жените погодувале толку често што не можело да биде случајност.

Жените имаат поразвиена способност од мажите, па така во 65 проценти од случаите биле во право за нечија сексуална ориентација, додека мажите погодиле во 57 проценти од случаите. Истражувањето објавено во „PLos One“ докажува дека штом запознаеме некој, несвесно донесуваме суд за неговата сексуална ориентација.

“За тоа не размислуваме. Слично како што не мораме да размислуваме дали некој е црнец или белец, односно од женски или машки пол”, изјави Џошуа Табак од Универзитетот во Вашингтон. Ова истражување ја побива теоријата според која судири околу сексуалноста не би имало кога луѓето би молчеле за својата ориентација.

За потребите на истражувањето 129 студенти гледале фотографии на млади возрасни мажи и жени, а потоа оценувале дали се хомосексуалци или хетеросексуалци. Биле видливи само лицата, без фризура, шминка или нешто друго што би можело да предизвика предрасуди.

Табак смета дека не е случајност што младите биле во право толку пати, па смета дека постарите луѓе не би биле толку успешни во детектирањето на нечија сексуалност.