Според истражувањето на Skyscanner.com наjнепријателскa нација во односот со странците се Французите. Истражувањето е спроведено на повеќе од 1200 луѓе во светот...

Анкетата ги бара земјите во кои локалните жители најмалку се насмевнуваат и се однесуваат најладно со странци.

На прво место е Франција, потоа следува Русија. Третото и четврто место им припаѓаат на Велика Британија и Германија.

Некои експерти коментираат дека во многу случаи не станува збор за грубоста, туку за културните разлики. Според Татјана Данилова од руската единица на Skyscanner.com рускиот јазик не е толку впечатлив колку англискиот и кога се прави директен превод е можно нешто да звучи грубо или остро, без говорникот да имал таква намера.

Французите пак, велат дека луѓето во Париз се груби не само кон странците туку и меѓусебе, а велат дека надвор од Париз односот е потопол.

На 5-то место се наведени "други", а од број 6 до 10 се најдоа Кинезите, Американците, Шпанците, Италијаните и Полјаците.

Од друга страна, со најдобар однос кон странците се наведени Бразил, Карибите и Филипините.

Во претходното истражување на Skyscanner.com пак Британците беа прогласени за најлоши туристи.

Skyscanner е еден од водечките туристички сајтови во Европа, со над 25 милиони корисници и над 11 милиони уникатни корисници на месец.