Знаете дека сте претерале со прскање на дезодоранс кога ќе успеете да повикате пожарникари...

Во едно средно училиште во Мидлтаун во Конектик, од тоалетот се вклучил противпожарниот аларм. Локалните пожарникари примиле повик, а кога дошле во училиштето, имале што да видат и да намирисаат.

Учениците и професорите од училиштето биле евакуирани, а пожарникарите во тоалетот наишле на "облак" од дезодоранс кој го испрскала некоја учничка со желба да се намириса.

Таа испрскала толку дезодоранс што успеала да го активира противпожарниот аларм, а кога пожарникарите го проветриле тоалетот, алармот престанал да ѕвони.

"Разбираме дека девојките сакаат да стават парфем или спреј, но не треба да претеруваат. Следниот пат, нека внимаваат за не ги задушат останатите ученици", рекол неименуван пожарникар за "Middletown press".