Eкстремниот спортист влезе во Гинисовата книга на рекорди како човекот кој сурфал на најголеми бранови...

Герет Макнамара го уловил "чудовишниот" бран од 27 метри во ноември минатата година во Португалија, каде длабоките подводни кањони ја носат водата од Атланскиот океан и така прават џиновкси бранови, што ја прави оваа плажа омилено место за авантуристите.

Макнамара (44) веќе 10 години го чекал најголемиот бран кој би го освоил со даска, а сега е во Гинисовата книга за рекорди.

"Глетката беше неверојатна. Јававме на бранови високи околу 20 метри, а кога Герет се спремаше, одеднаш се појави огормен бран. Беше нереално", изјавиле сурферите Ендру Котон и Ал Мени, кои ја овековечиле авантурата на Герет.

Претходниот рекорд во сурфање на најголем бран го доживеа Мајк Парсонс кој во 2001 година "јавал" на бран висок 23 метри.