Eдно црвено Ferrari во американскиот град Bishopstoke, во последно време предизивикува завист кај соседите, а ги мами и погледите на многу љупобитни луѓе кои, поминувајќи со своите автомобили, честопати застануваат да уживаат во глетката на овој атрактивен автомобил...

Љубителот на автомобили, 32-годишниот Крис Смарт, одсекогаш го посакувал скапоцениот и редок Ferrari чија што цена изнесува околу 24 милиони долари, но со оглед на тоа колку заработува, бил свесен дека се работи за невозможна мисија. Но, Ferrari 250 GTO, благодарение на креативноста на Крис, денес ја краси неговата гаража. И на тоа еден многу необичен начин. Како што пренесува The Sun, Крис последните две недели, ги поминал сликајќи го својот омилен автомобил на вратат од својата гаража користејќи водоопорни бои.

"Секогаш мразев како изгледа вратата од мојата гаража. Со оглед дека од секогаш го сакав овој автомобил, се сетив како да ги спојам моето знаење стекнато на ликовната академија и страста кон автомобилите. Морам да признаам, се исплати  многу повеќе одколку што очекував", изјавил Крис.

Реалистичната тродимензионална слика на вратата од гаражата на Крис станала атракција па така речиси секој ден пред неа се собираат деца, но и возрасни луѓе кои сакаат да се фотографираат пред ова уметничко дело.