Замислете го чувството како во еден момет во рака држите добитно ливче на милион долари, а во друг момент дознавате дека во прашање е грешка во печатењето и не вреди повеќе од обично парче хартија...

Токму тоа му се случило на Паул Паскварос од Бостон, невработен родител на две деца, кој ден пред својот роденден потрошил 10 долари за ливче од инстан лотаријата Cashworl.

Откако ги открил трите црвени зборчиња на ливчето за гребење, Паскаврос поверувал дека освоил награда од милион долари: "Гледам во ливчето и имам три црвени збора. Пишува дека три црвени збора значат освојување на милион долари. Се јавив на син ми и му кажав дека се ќе биде во ред."

Но, неговата среќа била кратка. Кога листот му го покажал на својот адвокат откриено е дека во прашање е печатарска грешка и дека од 20.000 вакви ливчиња, околу 2.200 се токму такви "лажливи".

Од лотаријата изјавиле дека пробале да ги спречат ливчињата со грешки да одат во продажба, но не успеале.