Maгазинот Time крена прашина кога излезе насловната на најновиот број на кој можеме да видиме 26-годишна мајка како го дои својот 3-годишен син...

Имено, станува збор за дел од списанието кој е наменет за специфичниот стил на одгледување (т.н. "зближувачко" или поврзувачко родителство) кое се базира на три темелни начела: продолжено доење, заедничко спиење и постојано носење на детето со себе.

"За мене, целта на оваа насловна е да го привлече вниманието" изајвил уредникот Рик Стенгал. Сите ќе се согласите дека им успеало да привлечат внимание, но некои тврдат дека провокацијата сепак отишла предалеку.

Џеф Берцоиц од Форбс тврди дека ваквиот начина на работа може да заврши лошо, затоа што многу од продажните синџири, како Walmart и Target, на своите полици нема да дозволат ваква провокативна насловница. Покрај тоа, веројатно ќе ја прикријат.

Џески Вејкман oд The Frisky тврди дека ваквата насловна е контрапродуктивни затоа што поврзувачкото родителство е комплексна и контроверзна тема кон која треба да се пристапи многу внимателно. Ваквиот пристап ќе ги привлече најлошите реакции и оние кои не се упатени во темата ќе ги натера на несоодветни заклучоци.