Најскапиот сендвич во светот се наоѓа во eден париски ресторан, каде што клиентот мора да плати 33,10 долари за два тоста со пилешко месо меѓу нив, сланина, тврдо варени јајца, лист салата и мајонез...

Според истражувањето, извршено од сајтот Hotels.com во повеќе од 750 хотели во 26 земји од Азија, Европа и Америка, просечната цена на сендвичот во париските хотели е 33,10 долари.

Потоа се редат Женева (32,56 долари), Осло (30,50 долари) и Токио (27,65 долари). Најевтин е сендвичот во Њу Делхи - 9,57 долари, а во "златната средина" се Берлин и Бразилиа со 17,77 долари, како и Њујорк со 16,05 долари.

Несомнено, Париз е светска престолнина на гастрономијата, но туристите ги претпочитаат далеку  поедноставните сендвичи, коментира портпаролот на Hotels.com Алисон Купер.