Австрискиот уметник Ханес Лангедер направи „Ферари“ кое се движи со помош на педали...

Со соодветен дизајн и каросерија исфарбана во црвена боја, “Fahrradi Farfall FFX” изгледа импресивно. Но сличностите завршуваат кога ќе влезете внатре.

Креацијата на Лангедер, всушност e велосипед на кој е монтирана лесна каросерија која неодоливо потсетува на луксузнo „Ферари“. Австриецот својата креација ја направил од пластика и лесен челик така што нејзината вкупна тежина изнесува 100 килограми.

Ханес своето „Ферари“ го движи со вртење на педалите и има дури 11 брзини. Звучи едноставно, но за целиот проект му била потребнa една година.

Еколошкото возило моментално е изложено во Австрија.

Лангедер порано беше во центарот на вниманието кога неговото лесно „Порше“ го возеше Ричард Хамонд во емисијата „Top Gear“.