Изгледа многу луѓе навистина уживаат да зборуваат за себе. Ако некогаш сте се запрашале зошто е тоа така, тимот од Харвард го спроведе своето најново истражување и откри занимливи факти - ако зборуваме позитивно за себе, тоа на нас ќе има исто влијание како и вкусна храна, пари или секс, било објавено во списанието Proceedings of the National Academy of Science...

За попрецизно да ги идентификуваат деловите од мозокот кои се поврзани со зборувањето за себе, научниците кај испитаниците користеле скенери за мозок. Тие на почетокот давале одговори на различни прашања, а со тоа научниците им нуделе пари ако сакаат да одговараат на прашања кои се однесуваат на други луѓе, пример, за претседателот Обама.

Останатите прашања се движеле од досадни ( пример "сакате ли кечап на пицата") до лични кои се однесувале на интелигенцијата, љубопитноста или агресивноста. Во однос на финансиската мотивација, поголемиот дел од луѓето со задоволство би зборувале за себе, а скенерите покажале дека се активира истото подрачје кое е одговорно за задоволство од храна, пари или секс.

Една од истражувачите Диана Тамир резултатите од истражувањето ги објаснува на следниов начин: "Откривањето информации за себе е однесување кое ни се случува секојдневно. Кога луѓето зборуваат, најчесто тоа се разговори за нив лично. На Твитер и Фејсбук, луѓето зборуваат за тоа што мислат или како се чувствуваат во тој момент. Ова е само едно од објаснувањата  зошто го прават тоа."