Властите во Нов Зеланд се загрижени поради се поголемата популарност на играта „опосум“, која забавува голем број студенти. Студентите седат на дрвја и пијат алкохол сe додека потполно пијани не паднат на земја...

Оваа игра е најпопуларна во Дунедин, кој е познат како најголем студентски град. Поради играта, парковите во градот се со парчиња стакло, отпадоци и повраќаници.

“Ова трае постојано, веќе две-три години”, изјавиле од градскиот совет. Тие се загрижени за безбедноста на студентите, но и за останатите посетители на паркот кои би можеле да бидат повредени од младите.

Играта е наречена „опосум“ по животното опосум. Малите торбари живеат на дрвјата и многу често може да се сретнат по парковите во Нов Зеланд.

Деканот на факултетот во Дунедин вели дека ваквото однесување е во спротивност на правилникот за однесување на студентите, а секој што ќе биде фатен како игра „опосум“ ќе треба сам да исчисти зад себе и ќе се соочи со дисциплински мерки.