Дубаи од Burj Khalifu наскоро ќе добие уште едно чудо во архитектурата - подводен хотел...
Water Discus Hotel на прв поглед изгледа како вселенски брод со еден дел во водата, но станува збор за хотел чиишто соби ќе бидат десет метри под вода. Дизајнерите од полската компанија Deep Ocean Technology се надеваат дека овој хотел ќе ги исполни желбите на туристите кои сакаат да ги истражуваат длабочините на океанот.
Хотелот ќе се состои од два главни диска, едниот на површината а едниот под вода, а ќе бидат поврзани со три "нозе" во кои ќе се наоѓаат лифтови и скалила. Подводниот дел се наоѓа на десет метри длабочина и се состои од 21 хотелска соба поврзани со бар.
Посебниот систем на осветлување ќе ја истакнува околината богата со флора и фауна, а технологијата во собите ќе им овозможи на госитите да ги зумираат и да ги проучуваат дури и најситните животни. Дизајнерите ги смириле и оние кои се плашат од несреќи. Имено, горниот дел на дискот е во состојба да поднесе налет на цунами, а долниот диск се крева истиот момент кога ќе дојде до опасност.
Иако дизајнерите се многу горди на своето дело, ова не е прв ваков хотел. На Малдивите постои Rangali Islands Resort кој уште сега може да се пофали со подводни соби, а планираа да изградат и лебдечки терен за голф до кој играчите ќе доаѓаат преку подводни тунели.
