Бакнежот на принцот Вилијам и Кејт Мидлтон на балконот на Бакингемската палата, за време на нивната свадба која се одржа минатата година на 29 април е прогласен за највозбудлив телевизиски момент во Велика Британија во изминатава деценија...
Историскиот бакнеж го победи голот на Џони Вилкинсон во финалето на Светскиот куп во рагби во 2003 година. На третото место е сцена од серијата “Only Fools and Horses” од 2002 година.
Романсата на Џордан и Питер Андре во реалното шоу "I'm A Celebrity" од 2004 е на четвртото место, а првото појавување на Сузан Бојл во "Britain's Got Talent" на седмото.
Истражувањето, направено по повод десетгодишнината на ТВ компанијата “Freeview”, покажало дека омилена програма на Британците им е "Britain's Got Talent" која се најде пред "Doctor Who".
Големите настани, како што е кралската венчавка, се уште ги врзуваат луѓето пред малите екрани, а повеќето претпочитаат емисиите да ги гледаат во живо, отколку на снимка.
