Aмериканката Атина Хохенберг минатиот февруари ја тужи компанијата Фереро откако доживеала шокантно сознание за неа, дека кремот Нутела не е здрав. Имено, жената од Сан Диего одлучила да ја тужи компанијата поради погрешно известување, затоа што во својата реклама за чоколадниот намаз Нутела тврделе дека е здрав доручек, а само една лажица од истиот има преку 200 калории, пишува ABC News...

Оваа недела во амеркиканскиот суд е заклучен овој случај, а Атина успеала ја добие парницата и отштета од 3,5 милиони долари. Иако од 2,5 милиони долари, 4 долари по тегла ќе добијат сите оние кои го купувале намазот од 1 јануари 2008 година до 3 февруари 2012 година, Атина кажала дека е задоволна од исходот на парницата и дека тие 4 долари прават некое морално задоволство. Исто така, Фереро е должна да ја промени својата амбалажа, ТВ рекламите и интернет страницата.