Месечината во сабота, 5 мај, ќе стане многу поголема, барем од преспектива на Земјата. Во тоа време покрај Земјата сателитот со прекар "Супермесечина" ќе помине поблиску отколку вообичаено, и ќе предизвика 42% поголема сила на плимата...

Поради близината на Земјата, ќе ни се чини дека Месечината и поголема и посветла, поточно, ќе биде 14% поголема и 30% посветла отколку било која полна Месечина во текот на 2012 година.

Големината на полната Месечина варира поради овалниот облик на месечевата орбита околку Земјата чија што елипса е со еден дел поблиску до Земјата за 50.000 километри. Иако со полната Месечина ќе дојдат и појаки сили на плимата, нивото на морињата ќе се зголеми само за неколку сантиметри, јавуваат од американската агенција NOAA (National Oceanic and Atmospheric Administration).

"Ако сакате да ја видите 'Супермесечината' во целосна форма, погледнете ја веднаш по изгревањето или заоѓањето кога се наоѓа блиску до хоризонтот. Тогаш ќе можете да ја видите над зградите или дрвјата, па поради оптичката мамка ќе изгледа многу поголема отколку што нависитна е", пишува на страницата на Space.com.