Му било досадно, па Дебабиш Мајумбер во текот на судењето редовно ги посетувал страните со порнографски содржини мислејќи дека никој не може да го види неговиот монитор. Од затвроска казна го спасило беспрекорното досие, а неговото име ќе  биде запишано во регистарот за сексуални престапи...

54-годишниот Мајумбер умирал од досада додека жртва на сексуален напад давала изјава на судот во Лондон, а забавата одлучил да ја побара на страните на интернет со експлицитен порнографски материјал, пишува Daily Mail. Вработениот во судот долги 27 години, самиот признал што прави со цел да си го скрати времето.

"Гледав порнографски содржини затоа што случајот беше досаден, а тоа го правев еднаш до два пати неделено од декември 2009 година", изјавил Дебабиш во разговор со полицијата, кој бил фатен од судијата Нигел Сид кој го пријавил инцидентот.

"Изгубивте речиси се, вклучувајќи ја работата и угледот, со последица дека нема да може повторно да ви биде најдена нова работа. Не се засрамивте само себе, туку и својата невина жена и синот", му рекол судијата и го осудил на двегодишна условна казна. Мајумбер не мора да оди во затвро поради чистото досие, но ќе биде надгледуван следните 18 месеци а неговото име 10 години ќе биде запишано во регистарот за сексулани прекршоци.