Изгледа дека медиумската опсесија со мрачните предвидувања роди со плод. Имено, дури 15% од луѓето во светот веруваат дека крајот ќе дојде за време на нивниот живот, а 10% веруваат во календарот на Маите и дека крајот доаѓа токму оваа година, пишува Reuters...

"Без оглед дали мислат дека тоа ќе го направи Бог, природна катастрофа или некое политичко случување, еден од седум испитаници смета дека доаѓа крајот на светот. Можеби тоа е поради медиумското внимание кое го доби една интерпретација на маиското пророштво", изјавила Керен Готфриед од Ipsos Global Public Affairs, компанијата која ја спроведе оваа анкета.

Во доаѓањато на крајот на светот најмногу веруваат Американците и Турците (22%), а најмалку Французите (6%).

Секој десетти испитаник изјавил дека чувствува страв и тежина поради крајот на светот кој би требало да се случи во 2012 година. Керен додала и дека стравот е најчест кај оние со ниско образование и ниски примања, како и кај испитаниците кои се помлади од 35 години. "Постарите испитаници живееле доволно долго така што не се загрижени за она што ќе им се случи во иднина", објаснила Керен.