Две деца, четири внуци и два правнуци – сите со возбудување го следеле подвигот на Пеги Мек Алпин, која на 104 години по втор пат во последниве пет години скокна со параглајдер...

Пред пет години таа скокна со параглајдер и стана најстарата личност која го направила тоа, но не за долго. Нејзиниот рекорд го срушила 101-годишна Американка, па Пеги неколку години го планирала својот нов скок.

И успеала. Во Гинисовата книга на рекорди повторно ќе стои нејзиното име.

“Уживав во секој миг. Беше подобро од последниот пат и сакам да го повторам ова. Посебно ако некој пак го сруши мојот рекорд”, рекла бабичката.

Пеги во екстремните спортови се вљубила кога имала 80 години. Тогаш внуците ја однеле да проба банџи.