Родителите поминуваат многу време грижејќи се за штетноста на компјутерските игри на младите мозоци на нивните потомци, но можеби сепак не е се така црно.

Ново истражување покажа дека играњето на насилни игри како Call of Duty всушност го тренира мозокот. За многу кратко време игрите од тој тип можат значајно да го поправат нивото на „визуелно внимание“ кое е од клучна важност во некои дневни активности, како на пример, возењето.

За разлика од поволното влијаени од игрите во кои се бара убивање на противниците, „игрите-сложувалки“, како Angry Birds, немаат апсолутно никакво влијание на мозокот во овој контекст, известува Daily Mail.

Истражувањето на универзитетот во Торонто објави испитување на 25 луѓе кои претходно не играле никаков вид на видео игри. 16 испитаници играле игри во кои се пука додека останатите девет играле игри-сложувалки.

Професорот од универзитетот, Иан Спенс, изјави: „Бројни истражувања покажаа, а така и оваа нашето, дека активните видео игри можат да ја зголемат селективното визуелно внимание, на пример, побрзо и поефективно да се открие метата на непрегледна позадина. Но, ние први детектиравме дека активноста на мозокот е директно врзана со видео игрите. Доброто визуелно внимание е важно во дневните активности како возење на автомобил, следење на промената на мониторите или дури и обично избегнување на препреки на секојдневните пешачења.“