Познатиот произведувач на луксузни автомобили започнува сопствена линија мебел.

Во соработка со италијанскиот произведувач Formitalia, компанијата Mercedes-Benz претстави линија дизајнерски мебел на овогодишниот Саем на мебел во Милано.

Здружените произведувачи ветуваат декаоваа колекција ќе донесе динамичен и елегантен дизајн на светскиот пазар.

Колекцијата, за чиј дизајн велат дека е безвременски, ќе се состои од софа, комода, фотелја, маса и масичка за ручање, домашно кино и кревет.

Секое парче од мебелот потсетува на карактеристичниот изглед на Мерцедес автомобилите. Сепак, сопствениците нема да можат да заборават кој се крие зад дизајнот, затоа што на мебелот суптилно е ставено и логото на компанијата, прилагодено за колекцијата.

„Овој мебел се карактеризира со прогресивен и динамичен дизајн кој е налик на нашите актуелни автомобили. Го пренесовме доживувањето од возење на широките патишта во дневната соба“, велат од компанијата Mercedes-Benz.