Мислењата на критичарите на таа тема за една од најпопуларните (и најдобрите) серии на HBO се поделени.

Хит серијата „Игра на тронови“ нема проблем со покажување на женските атрибути на своите актерки. Серијата е позната по неколку работи: одличните пресврти, одличната актерска екипа и, над се друго, бројните голи жени. Washington Post, но и останатите американски медиуми се распишаа за претераноста на толкавата голотија во серија.

Новинарката Ана Холмс смета дека голите жени често го засенуваат дејството во серијата. Холмс смета дека на серијата повеќе не може да и се простуваат softporn сцените. Додаде дека, ако веќе прикажуваат голотија, авторите на серијата би можеле да размислат и за соблекување на мажите.

Корина Лосон од Wired смета дека голотијата е потполно непотребна во серија каква што е „Игра на тронови“. Смета дека голите жени и сцените со секс се случуваат кога дејството не е доволно возбудливо. Нивната колешка Алиса Розенберг смета дека голотијата во серијата е промислена и дека не треба да се отстрани.