Еден од најсекси мажите во светот, глумецот Роберт Патинсон изјави дека мрази да биде без маица затоа што нема "плочки" на стомакот. Ѕвездата од "Twilight" искрено го призна својот комплекс а со тоа можеби им помогна на другите припадници на посилниот пол да се соочат со своите и да пробат да ги променат. Дознајте поради кои осум недостатоци мажите чувствуваат несигурност кога станува збор за физичкиот изглед...

Задник
Како и мажите и жените сакаат да видат добар задник кај спротивниот пол. Затоа многу добро внимаваат кога купуваат фармерки и ги бираат оние во кои нивниот задник ќе изгледа најдобро. Не се само жените оние кои ја проучуваат својата позадина на огледалото во соблекувална додека ги испробуваат фармерките.

Раце
После лицето, дланките се следната работа која жените ја забележуваат кај мажите. Поради тоа секој маж сака да има машки и јаки дланки и раце, но мајката природа не секому му подарила такви. Освен тоа, митот кажува дека мажите со големи дланки имаат и голем пенис.

Стомачни мускули
За "плочки" на стомакот и тоа како треба да се испотите во теретана и да внимавате на исхраната, но овој телесен атрибут ги пали повеќе самите мажи отколку жените. На многу девојки посекси им е малиот заоблен стомак кај својот партнер.

Коса
Ќелавоста е една од најголемите ноќни мори на посилниот пол, а многу голем број од нив веќе ја губат косата во своите дваесетти. Среќни се оние кои успеале да си ја сочуваат па затоа и гордо ќе ја покажуваат.

Брада и мустаќи
Овој комплекс потекнува уште од тинејџерските денови кога со воодушевување ги набљудуваат првите влакна на лицето. Таа среќа никогаш не престанува. Мажите се горди на своите мустаќи и брада, а нивната среќа е поголема ако и партнерката сака уредна брада и мустаќи.

Влакна по телото
За разлика од влакната на лицето, густите влакна по грбот, прстите, во носот и околу брадавиците не се нешто со што мажите се гордеат. На многумина им претставуваат ноќна мора, а знаат дека ниту на понежниот пол не им се привлечни.

Висина
Идеалниот маж е барем малку повисок од својата партнерка кога носи високи потпетици. Тоа го знаат жените, а и мажите се свесни.

Дебелина
Мажите понекогаш се многу пооптеретени за тоа како изгледаат на плажа отколку жените. Поради тоа ќе направат се за витка линија па дури и ќе гладуваат и ќе вежбат кога ќе стигнат.