Откако здравствената организација на Лос Анџелес донесе пропис порно актерите на работното место да носат кондоми, полицајците од Калифорнија добија нова должност...

Тие имаат обврска да ги прегледаат сите порно филмови пред да бидат пуштени во програма, за лично да се уверат дека споменатиот пропис се почитува.

Извршниот директор на продукциската куќа "Naughty America", која произведува порно филмови, вели дека прописот за употреба на презервативи е бесмислен.

„Тоа е тотален апсурд“, вели Едварс Аренас. Со него се согласуваат и други колеги од порно индустријата, меѓутоа полицијата тврди дека законот мора да се почитува.

Многу полицајци добиле задачa од своите надредени лично да проверат дали актерите во порно филмовите користат заштита. Тоа значи дека секојдневно на работното место мораат да гледаат такви содржини.

Како што вели Аренас, прописот за кондоми може да ја уништи порно индустријата бидејќи “таквите сцени ја нарушуваат фантазијата на гледачите”.

Тој истакна дека полицијата нема да може да ја контролира примената на овој пропис, бидејќи порно филмови често се снимаат и во домашна продукција.