Коцката популарно чоколадо Wispa Gold која ќе се најде на полиците на Selfridges, тешко дека ќе привлече многу купувачи затоа што цената ќе биде околу 960 фунти.



Популарната британска чоколада повторно почнала да се произведува минатиот месец, откако на интернет била покрената иницијатива, насловена како „Вратете ни го Wispa Gold“, која за краток временски период била подржана од повеќе од 22.000 луѓе.



Пејачот Tony Hadley кој бил член на некогашната популарна група Spandau Ballet и чиј најголем хит бил насловен „Gold“, бил избран специјалното издание на Wispa Gold да го „достави“ во Selfridges во Лондон. Чоколадото е под надзор на неколку чувари и под клуч. Ќе биде изложена една недела на одделот за накит.



Вртоглавата цена од точно 961.48 фунти не е случајна. Толку всушност би вредело чоколадото ако е направено од вистинско злато, т.е. тежината на чоколадото во грами е помножена со цената на златото.

„Веруваме дека тоа е најскапата чоколада која постоела некогаш“ - изјавил менаџерот на Wispe, Ross Farquhar. Целиот приход од продажбата ќе биде даруван во добротворни цели.