Една жена од Швајцарија e пронајдена мртва по извесен период откако пробала да живее само на сончева светлина...

Таа починала од глад, зашто држела духовна диеата која барала воздржување од храна и пијачкa, а според која организмот се храни само со сончева светлина.

Жената, на која медиумите и дале лажно име Ана Гат, кобната инспирација ја добила од документарецот "In the beginning there was a light", од 2010 година, во кој двајца мажи тврдат дека може да се преживее исклучиво од светлина.

Главни глумци во филмот се швајцарецот Михаел Вернер (62), кој изјавил дека така живее од 2001 година, и индиeцот Прахлад Јани (83), кој тврди дека таквиот начин на "исхрана" го води веќе 70 години и тоа не само без храна туку и без вода.

Канцеларијата на обвинителот во швајцарскиот кантон Арговиа потврди дека жената починала од глад во Волфхалден во источна Швајцарија, и дека не е покрената истрага за овој случај.

Биопсијата покажала дека жената починала од изгладнување, исклучувајќи секаква друга причина за смртта.